თავდაპირველად ყველაფერი დაიწყო თამაშით და დიდი სურვილით , რომ ბავშვებისთვის სწავლის პროცესი გამხდარიყო ბედნიერება. ხელოვნება ხომ თავისთავად ერთი დიდი ექსპერიმენტია. ბევრი წლის წინ შევკრიბე მეგობრების ბავშვები და ჩვენი მოგზაურობა დაიწყო, ჩვენ სულ რამოდენიმე ვიყავით: მე (ნატა ბუაჩიძე) და მეგობრების და ნათესავების ბავშვები. ჩემთვის ეს მხოლოდ გართობა იყო თავისუფალ დროს, რომელიც გამიგრძელდა და მიმახვედრა, რომ ეს ბედნიერება გადამდებია, რის შედეგადაც 2010 წელს დავრეგისტრირდით კომპანიად და დღეს სტუდიაში 300 მოსწავლეა და 20 მასწავლებელი, რომელთათვის ეს სტუდია მათი სახლია და შესაბამისად უსაფრთხოების გარანტი.