ჩემი პროდუქტია მცირე თუ დიდი ზომის სახლები, ჰოსტელები და სტანდარტული სასტუმროები. ხის მასალას უამრავი ფაქტორის გამო ირჩევენ, მათ შორისაა სიიაფე, სისწრაფე, რკინა-ბეტონის ნაგებობებთან შედარებით უკეთესი თბოიზოლაცია და ეკოლოგიურობა. თითოეული შეკვეთის მიმართ ინდივიდუალური მიდგომა გვაქვს. არქიტექტორ-კონსტრუქტორი ყველა ლოკაციას სტუმრობს, განსაზღვრავს ნალექებისა და ტენიანობის დონეს. ამის მიხედვით ვარჩევთ, რა სისქის უნდა იყოს კედელი, როგორ გადაიხუროს. რა თქმა უნდა, ყაზბეგსა და ზღვისპირეთში, სადაც სრულიად განსხვავებული კლიმატური პირობებია, განსხვავებული ტექნოლოგიით ვმუშაობთ. ექსპლუატაციაში ჩაშვებული სახლის მორიგი დიდი უპირატესობა მის თბოიზოლაციაში მდგომარეობს.
