• თიბისის ბიზნეს დაჯილდოებაში მონაწილეობის უფლება შეზღუდულია იმ საწარმოებისათვის, რომლებიც ეწევიან შემდეგ საქმიანობას:

• სამეწარმეო საქმიანობას, რომელიც აკრძალულია საქართველოს კანონმდებლობით;

• საბანკო-საფინანსო საქმიანობას (მათ შორის: ბანკები, მიკროსაფინანსო ორგანიზაციები, სავალუტო ოპერაციების განმახორციელებლები) და ნებისმიერი სხვა საქმიანობას, რომელიც დაკავშირებულია ფულადი ოპერაციებით სარგებლის მიღებასთან. აღნიშნული პირობა არ ეხება ნომინაციას „გამორჩეული სოციალური პასუხისმგებლობისთვის“
• საკონსულტაციო საქმიანობას, რომელიც დაკავშირებულია იურიდიულ, ფინანსურ და აუდიტორულ ან სანოტარო მომსახურებასთან; აღნიშნული პირობა არ ეხება ნომინაციას "საუკეთესო სამომხმარებლო გამოცდილება"
• სათამაშო (აზარტული) ბიზნესს (მათ შორის სამორინეები, სათამაშო აპარატები, ტოტალიზატორები) და სხვა სათამაშო ბიზნესს, რომელიც იღებს ფინანსურ სარგებელს აზარტული თამაშების რეალიზაციით. აკრძალვა არ მოიცავს კომპიუტერული და მობილური თამაშების მწარმოებლებს, საბავშვო-ახალგაზრდულ გასართობ კომპლექსებს.
• თამბაქოს ნაწარმის წარმოებას და რეალიზაციას (მათ შორის სიგარეტები, ელექტრონული სიგარეტები. აკრძალვა არ ვრცელდება ნატურალური თამბაქოსგან სიგარების წარმოებას;
• იარაღით ვაჭრობას;

ბიზნეს დაჯილდოების მონაწილეთა შეფასებას ახდენს დამოუკიდებელი ჟიური, რომელიც აქცევს ყურადღებას თუ რამდენად მზარდია თქვენი ბიზნესი, რამდენად შთამაგონებელია თქვენი ამბავი სხვებისთვის და რამდენად არის თქვენი საქმიანობა საზოგადოებისთვის სასარგებლო - ახდენს დადებით გავლენას, ცვლის მომხმარებლის ქცევას, ქმნის მატერიალურ და არამატერიალურ ღირებულებას სხვა ბიზნესებისთვის,

ბიზნეს დაჯილდოების მონაწილეთა შეფასებისას, ყურადღება მიექცევა თითოეულ ნომინაციაში შემდეგ ფაქტორებს:

შეფასების კრიტერიუმები ნომინაციაში „საუკეთესო პროდუქტის შექმნისათვის“:

• პროდუქტის/მომსახურების აქტუალურობა - 2025 წლის განმავლობაში რამდენად აქტუალური და რელევანტური იყო პროდუქტი მომხმარებლისთვის.
• ღირებულების შექმნა (Value Proposition) - რამდენად უნიკალურ, გამორჩეულ ღირებულებას ქმნის პროდუქტი მომხმარებლისათვის.
• ზრდის პოტენციალი, კომერციალიზაციის შანსი, სწრაფად გაზრდილი შემოსავალი, საინტერესო ინდუსტრია (სექტორი)
• ცნობადობა - როგორ იცნობს მომხმარებელი პროდუქტს? რამდენად პოპულარულია იგი ადგილობრივ ან საერთაშორისო ბაზარზე? არის თუ არა ის გამორჩეული და თვალშისაცემი იმავე კატეგორიის სხვა პროდუქტებს შორის?
• სანდოობა/ხარისხი - სასარგებლო პროდუქცია, სანდოობის დონე მომხმარებლების მხრიდან, სწორი ჩვევების ჩამოყალიბება, სერტიფიკატები, ხარისხზე ორიენტირი.

შეფასების კრიტერიუმები ნომინაციაში “გამორჩეული სოციალური პასუხისმგებლობისთვის“:

• კომპანიის საქმიანობის დადებითი გავლენა გარემოსა და საზოგადოებაზე
• აქტივობების განგრძობითობა და მასშტაბირების პოტენციალი - აქტივობას ერთჯერადი სახე აქვს თუ არის განმეორებადი, განგრძობითი ხასიათის, რამდენადაა შესაძლებელი აქტივობების მასშტაბირება?
• აქტივობების სტრატეგიული თანხვედრა კომპანიის საქმიანობასთან - არის თუ არა სოციალური პასუხსიმგებლობის აქტივობები თანხვედრაში კომპანიის მისიასთან და გრძელვადიან სტრატეგიასთან?
• საზოგადოების ცნობიერების ამაღლება - ზრუნავს თუ არა კომპანია საკუთარი აქტივობების ფარგლებში შესაბამისი პრობლემების მიმართ საზოგადოებრივი ცნობიერების ამაღლებაზე?

შეფასების კრიტერიუმები ნომინაციაში “საუკეთესო ინოვაციური სტარტაპისთვის“:

• პროდუქტი აგვარებს მნიშვნელოვან პრობლემას / ინოვაციურია
• ბაზრის მოცულობა
• ბიზნეს მოდელი
• კონკურენტული უპირატესობა
• ინოვაციის ათვისების სიმარტივე

შეფასების კრიტერიუმები ნომინაციაში “გამორჩეული როლისთვის რეგიონის განვითარებაში“:

• კომპანიამ რეგიონში შეიტანა სიახლე ან გააჩინა წვდომა იქამდე მიუწვდომელ სერვისებზე
• კომპანიას აქვს დადებითი გავლება ადგილობრივ ბიზნეს გარემოზე (ქმნის კონკურენტულ გარემოს, აჩენს ახალ ბიზნეს შესაძლებლობებს)
• კომპანია ხელს უწყობს დასაქმებას რეგიონში (აჩენს ღირსებულ სამუშაო ადგილებს, არის სანდრო დამსაქმებელი)
• კომპანია ახდენს დადებით გავლენას მომხმარებლის ქცევაზე
• კომპანიას არის მზარდი

შეფასების კრიტერიუმები ნომინაციაში “საუკეთესო ფრილანსერი" 

• ღირებულების შექმნა
• ფრილანდერად მუშოაბის უწყვეტი  (1+ წლიანი) გამოცდილება
• განსხვავებულ ინდუსტრიებთან მუშაობის გამოცდილება
• აღიარება და მიღწევები 

• ჟიურის წევრები არიან დარგის ექსპერტები და პროფესიონალები სხვადასხვა ბიზნეს სექტორებიდან.
• თითოეული ჟიურის წევრი დამოუკიდებლად აფასებს წარმოდგენილ პროექტს და ანიჭებს შესაბამის ქულებს;
• ჟიურის გადაწყვეტილებით მოხდება ისეთი მონაწილის დისკვალიფიკაცია, რომელიც აპლიკაციის შევსებისას წარადგენს არასწორ მონაცემებს ან შეეცდება ჟიურის შეცდომაში შეყვანას, ასევე ჟიურის შეხედულებისამებრ არაკეთილსინდისიერი გზით შეეცდება მოიპოვოს მომხმარებელთა მხარდაჭერა, ადგილი ექნება მონაცემთა გაყალბებას, ან ისეთ ქმედებებს, რომლებიც არღვევენ საერთაშორისო პრაქტიკაში დამკვიდრებულ ბიზნეს ეთიკის ნორმებს;
• დაჯილდოების ღონისძიებაზე თითოეულ ნომინაციაში გამოვლინდება 3 გამარჯვებული, I,II და III ადგილოსანი. 
• ჟიურის გადაწყვეტილება ნებისმიერ საკითხზე არის საბოლოო და არ ექვემდებარება გასაჩივრებას;

• თიბისი ბანკის ბიზნეს დაჯილდოების ფარგლებში შექნილ ნებისმიერ ინტელექტუალურ საკუთრებაზე საავტორო უფლებას ფლობს სს ,,თიბისი ბანკი“

• ბიზნეს დაჯილდოების პროექტის მონაწილე სს ,,თიბისი ბანკ“-ს  ანიჭებს უფლებამოსილებას მოახდინოს ინდივიდუალური მონაწილის ფოტო-ვიდეო გადაღება, მისი სახელის, სავაჭრო ნიშნის გამოყენება, საჭიროების შემთხვევაში მის მიერ მოწოდებული ინფორმაციის გავრცელება სხვადასხვა საშუალებებით (ტელევიზია, პრესა, ინტერნეტი, ვებ.გვერდი, ლიფლეტი, ბუკლეტი და ა.შ);
• აპლიკანტი სს "თიბისი ბანკ"-ს ანიჭებს უფლებამოსილებას მის მიერ აპლიკაციაში წარმოდგენილი ინფორმაცია გადასცეს ბანკის კონტრაქტორებსა და მომსახურების გამწევ სხვადასხვა პირებს ფოტო-ვიდეო მასალის გადაღების, ბლოგებისა და სტატიების მომზადების უზრუნველყოფის მიზნით.
• "აპლიკანტი სს ,,თიბისი ბანკ"-ს ანიჭებს უფლებამოსილებას მის მიერ აპლიკაციაში წარმოდგენილი ინფორმაცია მიაწოდოს ჟიურის წევრებს შესაფასებლად და გამარჯვებულის გამოსავლენად. აპლიკანტი აცნობიერებს, რომ ჟიურის წევრები შესაძლოა იყვნენ მესამე პირები, რომლებიც არ წარმოადგენენ სს ,,თიბისი ბანკ"-ს ან მასთან დაკავშირებულ პირებს, და თანხმობას აცხადებს მის მიერ მოწოდებული ინფორმაცია გაზიარებულ იქნას ასეთ პირებთან."
• ვადასტურებ, რომ ჩემს მიერ წარმოდგენილი პერსონალური მონაცემები მეკუთვნის მხოლოდ მე, არის ნამდვილი, ზუსტი და სრული. ვიღებ პასუხისმგებლობას აღნიშნული მონაცმების სანდოობაზე და იმ შესაძლო ზიანზე, რაც შეიძლება დადგეს ჩემს მიერ წარდგენილი მონაცემების სანდოობიდან ან/და სხვა საფუძვლებიდან გამომდინარე.

• ვეთანხმები ჩემი პერსონალური მონაცემების, მათ შორის, პირადი ნომრის დამუშავებას შემდეგი მიზნებისთვის: პროექტის აუდიტორიის ზუსტი ანალიტიკის უზრუნველყოფა, "უნიკალურ პირთა" რაოდენობის დადგენა, ბანკის კლიენტებისა და არაკლიენტების რაოდენობის განსაზღვრა, დამსწრეთა დინამიკის შეფასება, პროექტში მონაწილეობის სტატისტიკის შეგროვება, პროექტის პერფორმანსის, გავლენისა და გაუმჯობესების პროგრამის სტრატეგიული დაგეგმვა. მონაცემთა დამუშავების საფუძვლებს წარმოადგენს ბანკის და/ან მესამე პირის მნიშვნელოვანი ლეგიტიმური ინტერესების დაცვა.

• პერსონალურ მონაცემთა დამუშავებასთან დაკავშირებულ სხვა დეტალებსა და თქვენს უფლებებს, გთხოვთ, გაეცნოთ ბანკის შემდეგ ვებ-გვერდზე: კონფიდენციალურობის პოლიტიკა

პროექტში გამარჯვებული მონაწილე სს ,,თიბისი ბანკი“-საგან  მიიღებს სამი ჯილდოდან ერთერთს, რომელიც ექვემდებარება არჩევას გამარჯვებული კომპანიის ბიზნესაჭიროებიდან გამომდინარე:

• ახალი ვებ გვერდი

• ბრენდინგი

• საკომუნიკაციო მხარდაჭერა

ჯილდოს სახით გასაწევი მომსახურების ზოგად ვადას წარმოადგენს 6 (ექვსი) თვე;

იმ შემთხვევაში, თუ გამარჯვებულთა ნახევარზე მეტი აირჩევს ერთსა და იმავე ჯილდოს, ბანკი მათთან შემდომი მოლაპარაკების საფუძველზე განსაზღვრავს ჯილდოს სახით შესასრულებელი სამუშაო ვადას.

• პროექტთან დაკავშირებული ნებისმიერი პრეტენზია წერილობით უნდა წარედგინოს ჟიურის;
• პრეტენზიის წარდგენიდან 5 (ხუთი) სამუშაო დღის განმავლობაში, ჟიური ვალდებულია წერილობითი პასუხი გასცეს პრეტენზიის წარმომდგენს;
• ჟიურის პასუხი საბოლოა და არ ექვემდებარება დამატებითი პრეტენზიის წარდგენას;